Бакыт Төрөбаев президенттик кызматка ат салышарын билдирди
12.02.17
Бул тууралуу ал өзүнүн партиясынын көчмө жыйынында жарыялады
Бүгүн, 10-февралда Кыргыз Республикасынын президентинин кызматына ат салыша турган дагы бир талапкердин ысымы белгилүү болду. Мамлекет башчысына талапкер болорун парламеттин “Өнүгүү-Прогресс” фракциясынын төрагасы Бакыт Төрөбаев билдирди.
Бул тууралуу ал өзүнүн партиясынын көчмө жыйынында жарыялады.
“Мен Кыргызстандын саясий мейкиндигинде өкмөт башчынын ролун күчтөндүрүүнү колдойм”,-деп билдирди Төрөбаев.
Ал ошондой эле президент алмашканда өлкөдө мураскерлик сакталышы керек деп эсептерин кошумчалады.
Маалымат үчүн: Бакыт Төрөбаев 1973-жылы 5-апрелде туулган. “Өнүгүү-Прогресс” партиясынын лидери. 2007-жылдан бери үч ирет Жогорку Кеңешке депутат болуп шайланып келген.
Кыскача шилтеме: https://platforma.kg/ky/?p=5768
