«Талкуу платформасы» көрсөтүүсүндө Кыргызстандын өкмөттүк эмес уюмдары жөнүндө мыйзам долбоору талкууланды
«Талкуу платформасы» көрсөтүүсүндө Кыргызстандын өкмөттүк эмес уюмдары жөнүндө мыйзам долбоору талкууланды. Жогорку Кеңештин депутаттары 2024-жылдын 14-мартында пленардык жыйында расмий түрдө “Мыйзамга өзгөртүүлөрдү киргизүү жөнүндө” мыйзам долбоору катары белгилүү болгон “чет элдик өкүлдөр” (Россия мыйзамдарында чет элдик агентке окшош) жөнүндө мыйзам долбоорун үчүнчү окууда кабыл алышты.
Бейөкмөт уюмдардын ишинин мамлекет менен жарандык коомдун ортосундагы көпүрө катары маанилүүлүгү белгиленди, мында жарандык, мамлекеттик жана коомдук сектор бири-бирин толуктай алат жана толукташы керек. Мамлекеттик бийлик органдары, өзгөчө саламаттыкты сактоо жана социалдык коргоо чөйрөлөрүндө бул муктаждыкты моюнга алышат, бул мамлекеттик социалдык заказды каржылоону көбөйтүүдө жана социалдык көйгөйлөрдү чечүүгө бейөкмөт уюмдарды жана жеке секторду тартууда көрүнөт.
Бирок, бейөкмөт уюмдар мамлекеттик органдарды алмаштырбай, алардын функцияларын гана толуктай тургандыгы баса белгиленди. Бейөкмөт уюмдар менен мамлекеттик органдардын натыйжалуу кызматташуусу мүмкүн, бирок саясий эрк, бюрократияны кыскартууну жана коммуникацияларды жөнөкөйлөтүүнү талап кылат. Бейөкмөт уюмдар жөнүндөгү жаңы мыйзам мамлекеттик бюрократия менен бейөкмөт уюмдардын ийкемдүүлүгүнүн ортосунда мүмкүн болгон дал келбегендиктен өнөктөштүктөрдү түзүүгө тоскоолдуктарды жаратышы мүмкүн экендиги талкууланды.
Программанын катышуучулары, Мамлекеттик саясат талдо борборунун директири, саясат талдоочу Алмаз Тажыбай мамлекеттик органдар менен жарандык уюмдардын ортосундагы мамилени жакшыртуу, ошондой эле социалдык көйгөйлөрдү чечүүдө ийгиликтүү кызматташуу үчүн өз ара ишенимди арттыруу зарылчылыгы тууралуу пикирин билдирди.
Көз карандысыз юрист Таттуубуб Эргешбаева КР Президенти Садыр Жапаровго кайрылуу жолдоп, бейөкмөт уюмдар сектору Президент менен жолугуп, бейөкмөт уюмдар жөнүндөгү мыйзам боюнча бирдиктүү пикирге келүүгө даяр экенин билдирди.
Толугу менен эфирди шилтемеден көрсөңүздөр болот https://www.youtube.com/live/kUEHSGPoD9E?si=cVnuONcjTIgXH6YB
